Salta mål!

Innsamlingsarbeidet i prosjektet “Nordisk dialektsyntaks” (ScanDiaSyn) fortset ufortrødent og det same gjer byggjinga av den første fellesnordiske dialektsamlinga nokonsinne, Nordisk Dialektkorpus og Database. I forrige veke vitja to av kollegaene mine, Kristine Bentzen og Björn Lundquist, tre stader i Salten: Bodø, Steigen og Beiarn. Denne gongen kunne eg ikkje dra av garde sjølv, og eg var ikkje lite misunneleg på dei to som fekk møta velvillige og interesserte (og nokre få mindre interesserte…) dialekttalarar og elles oppleva mektig nordlandsnatur.

Eg har jo tidlegare publisert eigne ferdabrev her på forsking.no-bloggen og fått positive tilbakemeldingar på det. Så difor tenkte eg at det også kunne vera interesse for reiseskildringa Björn skreiv frå turen til Salten. Innleiinga kjem her og resten står å lesa på prosjektbloggen til ScanDiaSyn – klikk på innleiinga!

“Under tre intensiva dagar undersöker Kristine Bentzen och jag (Björn Lundquist) dialekterna i Salten-området. Tidigt på morgonen måndag den 15 juni flyger vi från Tromsø till Bodø för vårt första upptag, och senare på kvällen kör vi genom djupa fjordar och långa tunnlar till Nordfold, Steigen, där vi gör ytterligare ett upptag dagen efter, och sista dagen hinner vi med att göra ett upptag i Moldjord, Beiarn, ca. 4 timmars körning söder om Steigen. Hela resan är minutiöst planerad av vårt administrativa geni Torill Sommerlund, och allt flyter på utan problem….”

Vis Dialektturer (UiT) 2009 i et større kart